ლონდონის „ჩელსიმ“ და ტომას ტუხელმა მიმდინარე სეზონში პირველი ტიტულის მოპოვების შანსი ხელიდან გაუშვეს. მიუხედავად დიდი უპირატესობისა, არისტოკრატებმა FA თასის ფინალში „ლესტერთან“ 0:1 წააგეს.
მატჩის შემდე თავისთავად გულგატეხილი იყო „ჩელსის“ გერმანელი თავკაცი ტომას ტუხელი.
„იემდგაცრუებული ვარ, რადგან გამარჯვებას ვიმსახურებდით, თუმცა ჩემს ფეხბურთელებზე და მათ მიერ ნაჩვენებ თამაშზე არ ვბრაზდები. ბიჭებმა მაქსიმუმი გაიღეს, თუმცა არ გაგვიმართლა და დავმარცხდით.
კიდევ ერთხელ დამტკიცდა, რომ ფეხბურთში და თან ასეთ დონეზე ყველაფერთან ერთად იღბალიც აუცილებელია.
90 წუთის მანძილზე საჭიროა იმპულსი, სწორი გადაწყვეტილებები, წვრილმანი დეტალები, მსაჯები – ამ კომპონენთა ერთობლიობის გარეშე რთულია დიდ წარმატებებზე ფიქრი.
ხელით თამაში? დიახ, ჩემი გუნდის ფეხბურთელები ერთხმად ამბობდნენ, რომ აიოზე პერესს ბურთი ხელზე მოხვდა, თუმცა ამ თემაზე საუბარი არ მსურს. მე არ ვარ სპეციალისტი და არ ვიცი როდის უნდა დაისაჯონ ფეხბურთელები ხელით თამაშით და როდის არა.
დიახ, დღეს ჩვენ არ გაგვიმართლა, თუმცა არც არავინ გვაძლევდა გარანტიას, რომ აუცილებლად თასს მოვიგებდით“ – ამბობს ტომას ტუხელი.
„ჩელსის“ „ლესტერთან“ ჯახი სულ მალე, პრემიერლიგის მორიგ ტურში უკვე „სტემფორდ ბრიჯზე“ მოუწევს და შეეცდება რევანშიც აიღოს.
