ოდესმე გსმენიათ, სპორტის ამა თუ იმ სახეობაში, ტრიბუნებზე ქომაგს ჩუმად ყოფნა უბრძანო? რაღაც ხომ ყოველთვის პირველად ხდება ცხოვრებაში და ალბათ ამასაც ვიხილავთ.
ყოველშემთხვევაში, საერთაშორისო ოლიმპიურმა კომიტეტმა გასცა რეკომენდაცია, დაესწარით, მაგრამ თქვენი კრინტი არ იყოსო. მიხვდებოდით, საუბარია ზაფხულის ოლიმპიურ თამაშებზე, რომელიც შესაძლოა სულაც უმაყურებლოდ გაიმართოს, მაგრამ თუ ქომაგები შეზღუდული რაოდენობით მაინც დაუშვეს, მათ ნამდვილად უჩვეულო გარემოში მოუწევთ ყოფნა.
მოკლედ, Covid 19-ის წინააღმდეგ პრევენციის მიზნით, სოკ-ის მიერ შემუშავებულ რეგულაციებში ერთ-ერთ პუნქტად ტრიბუნებზე ხალხის ქცევის წესებია განმარტებული. კერძოდ, მათ ეკრძალებათ აპლოდისმენტები და სიმღერა ანუ იჯექი შენთვის და წყნარად.
რბილად რომ ვთქვათ უცნაური მოთხოვნაა. ოლიმპიური თამაშები, ისევე როგორც ნებისმიერი სხვა სპორტული ფორუმი მაყურებლების გარეშე ხიბლს ნამდვილად კარგავს, მაგრამ გულშემატკივარი ტრიბუნაზე იყოს ადა ემოცია არ გამოხატინო ძნელად წარმოსადგენია.
