თოკო ისევ ბასკონიაში ითამაშებს – ქართველის კონტრაქტის უცნაური პუნქტი

ესპანური „ბასკონია“ და მოსკოვის „ცსკა“ ერთმანეთს ევროლიგის მატჩში, 7 იანვარს ფერნანდო ბუესა არენაზე დაუპირისპირდებიან. ეს მატჩი ქართველი გულშემატკივრისთვს საინტერესოა, თუმცა არა მარტო იმიტომ, რომ თოკო ყოფილ გუნდს დაუპირისპირდება.

ბასკური გუნდის ოფიციალური გვერდის ინფორმაციით, შენგელია ბასკონიას რიგებში ითამაშებს და თავის მოქმედ კლუბს დაუპირისპირდება, თუმცა მეორე ნახევარში კვლავ „არმიელებს“ დაუბრუნდება.

როგორც გაირკვა, ხელშეკრულებაში არსებობს ე.წ. პუნქტი 23.T, რომელიც საკმაოდ უცნაურ ფაქტს რეალურს ხდის. მის თანახმად, თოკო ბაკეთში 48 საათით ადრე უნდა ჩაფრინდეს და გუნდთან ერთად მომზადება მოასწროს.

📋 Comunicado Oficial: Tornike Shengelia (@TokoShengelia23) #GoazenBaskonia

— Saski Baskonia (@Baskonia) December 28, 2020

როგორც ჩანს, თორნიკემ რუსულ გუნდთან ძალიან უცნაური კონტრაქტი გააფორმა, რომელიც ზემოთხსენებული ფაქტის გარდა, ევროლიგის მსვლელობისას მის ნაკრებში გამოშვებასაც მოიცავს, რაც მან ცოტა ხნის წინ, ფინეთთან და შვეიცარიასთან გამოიყენა.

შეგახსენებთ, რომ 29 წლის შენგელიამ რუსული არმიის გუნდთან 3-წლიანი კონტრაქტი მიმდინარე წლის 9 ივლისს გააფორმა. ის გუნდში ადაპტაციას ჯერ კიდევ გადის და ჯერ ბოლომდე გაშინაურებული როგორც ჩანს არ არის.

რაც შეეხება მოსკოვურ გუნდს, ევროლიგის 16 ტურში 13 მოგება აქვს და პირველ ადგილზეა, მომდევნო მატჩს კი 30 დეკემბერს სტუმრად იტალიურ „მილანოსთან“ ჩაატარებს.