ევროლიგაზე მოსკოვის ცსკა-ს წაუგებელი სერია თორნიკე შენგელიას ყოფილმა გუნდმა შეწყვიტა. ევროლიგის მე-18 ტურში, თოკოს გუნდი „ბასკონიას“ ესტუმრა და საკმაოდ სანახაობრივ და დაძაბულ შეხვედრაში 2 ქულის სხვაობით, 95:93 დამარცხდა.
შენგელიამ მოედანზე 28 წუთი დაჰყო და ამ დროის განმავლობაში 13 ქულა, 9 მოხსნა, 6 შედეგიანი გადაცემა და 1 ჩაჭრა მოაგროვა.
როგორც ვიცით, თოკოს „ბასკონიაში“ 6 სეზონი აქვს გატარებული. გასულ თვეში ბასკური კლუბის საიტმა გაავრცელა ინფორმაცია, რომ აღნიშნული შეხვედრის პირველ ტაიმს შენგელია „ბასკონიას“ შემადგენლობაში ითამაშებდა, თუმცა ეს დეკემბრის ხუმრობა აღმოჩნდა. გასულ სეზონში 28 წლის კალათბურთელმა ბასკურ კლუბთან ერთად ესპანეთის ჩემპიონობა იზეიმა, სეზონის დასრულების შემდეგ კი თოკო მოსკობის ცსკა-ში გადავიდა.
