საქართველოს თავისუფალი სტილით მოჭიდავე 23-წლამდე ნაკრებმა ევროპის 2022 წლის ჩემპიონატი 7 მედლით დაასრულა. ახალგაზრდა მოჭიდავეებმა მედლების აღება 10 წონითი კატეგორიიდან 7-ში მოახერხეს. 2 ოქრო, 2 ვერცხლი და 3 ბრინჯაო.
ევროპის ჩემპიონები გიორგი ელბაქიძე (70 კგ) და სოლომონ მანაშვილი (125 კგ) გახდნენ, ვერცხლის მედლები ევსემ შველიძემ (79 კგ) და გიორგი გეგელაშვილმა (57 კგ) მოიპოვეს, ბრინჯაოს მედლებს კი რამაზ თურმანიძე (61 კგ), ბაგრატ გაგნიძე (86 კგ) და დავით კოღუაშვილი (92 კგ) დაუფლნენ.
