ლეგენდარული ქართველი მოჭიდავე, ლევან თედიაშვილი იუბილარია. ორგზის ოლიმპიურ და მრავალ გზის მსოფლიო და ევროპის ჩემპიონს 74 წელი შეუსრულდა.
ლევან თედიაშვილი თავისუფალი სტილით ჭიდაობაში ორჯერ გახდა ოლიმპიური ჩემპიონი ჩემპიონი (1972, 1976), ასევე, ის გახლავთ მსოფლიოს 4-გზის (1971, 1973, 1974, 1975) და ევროპის 3-გზის ჩემპიონი (1974, 1976, 1978). ამასთან, მან მსოფლიოს ჩემპიონობა 1973 წელს სამბოშიც იზეიმა.
ლეგენდარული მოჭიდავე სამჯერ გახდა საქართველოს წლის საუკეთესო სპორტსმენი – 1971, 1973, 1974 წლებში. ლევან თედიაშვილი ერთადერთი მოჭიდავეა, რომელმაც ჩემპიონის ტიტული სამ სხვადასხვა წონით კატეგორიაში მოიპოვა: 82 და 90 კგ წონებში ოლიმპიადა და მსოფლიო პირველობები მოიგო, 100 კგ წონით კატეგორიაში კი ევროპის ჩემპიონის ტიტული.
2003 წელს ლევან თედიაშვილის თბილისის საპატიო მოქალაქის წოდება მიენიჭა. 2005 წლიდან კი ჭიდაობის საერთაშორისო ფედერაციის დიდების დარბაზის წევრია.
