იტალიის ქალაქ ოლბიაში მიმდინარე მსოფლიოს ჩემპიონატზე ილია სულამანიძემ საქართველოს მეოთხე ოქროს მედალი მოუპოვა. 20 წლის სპოტსმენმა ფინალში გამოცდილი უნგრული მეტოქე დაამარცხა და მსოფლიოს ჩემპიონის ტიტული მოიპოვა.
საბამ ფინალამდე დიდი გზა გაიარა, ახალგაზრდა სპორტსმენმა პირველ წრეში დაისვენა, მეორე ეტაპზე კი უკრაინელ მეტოქეს მშვენიერი იპონით სძლია, 1/4-ში ახალგაზრდა ძიუდოისტმა ბელგიელი მეტოქე დაამარცხა, ნახევარფინალში კი უზბეკ მეტოქეს არასრულ 1 წუთში მოუგო.
ასევე მძიმე წონაში მოასპარეზე ირაკლი დემეტრაშვილმა დრამატულ შეხვედრაში უზბეკი მეტოქე დაამარცხა და მსოფლიოს პრიზიორი გახდა.
საქართველოს ნაკრები საერთო ჩათვლაში 4 ოქროს და ერთი ბრინჯაოს მედლით პირველ ადგილზე გავიდა. ჩემპიონები გიორგი სარდალაშვილი (60) გიორგი შერაზადიშვილი (81) ილია სულამანიძე (100) და საბა ინანეიშვილი (+100) გახდნენ, ბრინჯაოს მედალი კი როგორც უკვე მოგახსენთ ირაკლი დემეტრაშვილმა (+100) აიღო.
