15 წლის იყო ახალგაზრდული უიმბლდონი რომ მოიგო, რაც პატარა ამბავი სულაც არ გახლავთ, მაგრამ ჩოგბურთისთვის თავის დანებება მაინც ნაადრევად მოუხდა. წლეულს, მან 20 წლის ასაკში განაცხადა, რომ ჩოგნის ქნევას თავს ანებებდა, რადგან ჯანმრთელობის მდგომარეობა ბოლომდე ხელს არ უწყობდა პროფესიონალურ სპორტში დარჩენილიყო.
არავინ იცის სოფია ჟუკის სახით საჩოგბურთო სამყარომ დაკარგა თუ არა ამომავალი ვარსკვლავი, თუმცა მისი ლამაზი სხეულის პატრონი ნამდვილად იპოვნის თავს სხვა პროფესიაში, თუნდაც სამოდელო პოდიუმზე ან ფოტოხელოვნებაში. პირველი ნაბიჯები კი 20 წლის რუსმა ლამაზმანმა ამ მხრივ საკუთარ ინსტაგრამ გვერდზე გადადგა და რამდენიმე თამამი ფოტო გამოაქვეყნა.
21-ე საუკუნეში სიშიშვლე ვის უნდა გაუკვირდეს, მითუფრო რუსეთში, მაგრამ რაც არ უნდა გასაკვირი იყოს, სოფია ჟუკი ამის გამო ისე გამოლანძღეს, მას სოციალური ქსელიდან ფოტოების წაშლა მოუხდა.
„როგორც წესი, მსგავს კომენტარებს ყურადღებას არ ვაქცევ, მაგრამ ამ შემთხვევაში სერიოზულ აგრესიას ჰქონდა ადგილი. ხალხი უმაწყალოდ მლანძღავდა. ვერ გამიგია რა უნდათ? სურთ რომ დეპრესიაში ჩავვარდე, რადგან სპორტული კარიერა ასე ადრე დავასრულე? მინდა ყველამ იცოდეს, რომ ჩემთვის ცხოვრება ჩოგბურთის გარეშეც მშვენიერია. ამდენ შემოტევას ვეღარ გავუძელი და იძულებული გავხდი ფოტოები წამეშალა“ – ამბობს სოფია ჟუკი.
