ეროვნული ლიგის მე-17 ტურში „საბურთალომ“ მნიშვნელოვანი ქულები დაკარგა. ხვიჩა შუბითიძის გუნდი ქობულეთში ადგილობრივ „შუქურას“ ესტუმრა და ფრედ, 0:0 ითამაშა.
მატჩის ანგარიში სულაც არ ასახავს სათამაშო სურათს. ორივე გუნდს ერთმანეთის წინააღმდეგ არაერთი საგოლე მომენტი ჰქონდა, თუმცა შეხვედრა მაინც გატანილი გოლის გარეშე დასრულდა.
17 ტურის შემდეგ, „საბურთალო“ სატურნირო ცხრილში 28 ქულით მე-3 ადგილზეა, თუმცა უშუალო კონკურენტებს – „გორის დილას“ და „ლოკომოტივს“ თავისი მატჩები ჯერ არ ჩაუტარებიათ.
რაც შეეხება შუქურას, ქობულეთურმა კლუბმა ეროვნულ ჩემპიონატში ზედიზედ მეორე ფრე ითამაშა და 17 ტურის შემდეგ, 16 ქულით მე-8 პოზიციას იკავებს. „შუქურას“ მომდევნო შეხვედრას „თელავთან“ გამართავს, სადაც უმაღლეს ლიგაში ადგილის შენარჩუნების მხრივ ბევრი რამ გადაწყდება. „საბურთალო“ კი თბილისში გია ცეცაძის “სამტრედიას” მიიღებს.
