ევროლიგის 26-ე ტურში, თორნიკე შენგელიას ცსკა საბერძლენთში ოლიმპიაკოსს ესტუმრა და მეტოქე დაძაბულ ბრძოლაში, ერთქულიანი სხვაობით 75:74 დაამარცხა.
მოსკოველებს ერთ-ერთი ლიდერი მაიკ ჯეიმსი დაუბრუდათ, რომელთანაც როგორც ჩანს ურთიერთობის დალაგება მოხერხდა. ამით შეგულიანელულმა გუნდმა, პირველი ნახევარი სრული დომინაციით ჩაატარა და საბოლოოდ გუნდები დიდ შესვენებაზე 18-ქულიანი სხვაობით გავიდნენ.
მეორე ნახევარში სიტუაცია რადიკალურად შეიცვალა, პირეოსელებმა არამხოლოდ ჩამორჩენის აღმოფხვრა, რომელიც მესამე მეოთხედში 25 ქულამდე გაიზარდა, არამედ წინ გასვლაც კი შეძლეს.
ბოლო წუთები კი ნამდვილი ნერვების თამაში იყო, რომელშიც გამარჯვებული ცსკა გამოვიდა და ევროლიგის მიმდინარე გათამაშებაში მე-15 გამარჯვება მოიპოვა.
რუსებს ჯეიმსთან ერთად, ტრავმამოშუშებული თორნიკეც დაუბრუნდა, მან პარკეტზე 21 წუთი და 33 წამი გაატარა. ამ დროში ქართველი კალათბურთელი „არმიულ“ გუნდს რვა ქულითა და ოთხი მოხსნით დაეხმარა.
ცსკა ევროლიგის სატურნირო ცხრილში მე-2 ადგილზეა და ლიდერ ბარსელონას მხოლოდ ორი გამარჯვებით ჩამორჩება.
მომდევნო მატჩს კი „არმიელები“ ისრაელში, თელ ავივის მაკაბის წინააღმდეგ ჩაატარებენ, რომელიც 2 მარტს გაიმართება.
