ევროლიგის ოფიციალურმა არხმა თორნიკე შენგელიას ეპიზოდი კიდევ ერთხელ გამოარჩია. ცოტა ხნის წინ, ევროლიგამ იანვრის თვის ჩატენვების საუკეთესო ათეული გაავრცელა, რომელშიც პირველ ადგილს სწორედ ქართველი კალათბურთელის ეპიზოდი იკავებს.
საუკეთესოების კრებულში თოკოს მიერ, 22 იანვარს განხორციელებული ჩატენვა მოხვდა, რომელიც 28 წლის კალათბურთელმა ფენერბახჩეს წინააღმდეგ შეასრულა. აღნიშნულ მატჩში შენგელიას ცსკა 83:89 დამარცხდა, თუმცა შენგელიამ ერთი დასამახსოვრებელი ეპიზოდი მაინც შემოგვთავაზა.
