საქართველოს ეროვნული ნაკრები სექტემბერში ამხანაგურ მატჩს გამართავს. ვილი სანიოლის გუნდი ბულგარეთის ნაკრებს ესტუმრება. მატჩი 8 სექტემბერს თბილისის დროით 20:30-ზე შედგება.
ამხანაგურ შეხვედრსათან დაკავშირებით საქართველოს ფეხბურთის ფედერაციის ვიცე-პრეზიდენტმა ალექსანდრე იაშვილმა კომენტარი გააკეთა:
„ჩვენთის ყველა სანაკრებო პაუზის გამოყენება მნიშვნელოვანია, იმისთვის, რომ ეროვნულმა ნაკრებმა რაც შეიძლება მეტი შეხვედრა ჩაატაროს და მწვრთნელმა ბევრ მოთამაშეს მისცეს თამაშის შანსი.
მოგეხსენებათ, რომ ბულგარეთის წინააღმდეგ გასამართ შეხვედრამდე ჩვენი გუნდი ორ ოფიციალურ მატჩს გამართავს. ამხანაგურ თამაშს კი, მთავარი მწვრთნელი იმ ფეხბურთელების სანახავად გამოიყენებს რომლებსაც ოფიციალურ მატჩებში ნაკლები დრო მიეცემათ.“- განაცხადა იაშვილმა
შეგახსნებთ, რომ სექტემბრის სანაკრებო პაუზისას საქართველოს ნაკრები მსოფლიოს ჩემპიონატის საკვალიფიკაციო ეტაპის 2 მატჩს გამართავს. სანიოლის გუნდი 2 სექტემბერს კოსოვოს ნაკრებს უმასპინძლებს, 5 სექტემბერს კი ესპანეთის ნაკრებს ესტუმრება.
