საქართველოს 17-წლამდელთა ნაკრების ყოფილი ფორვარდი ნიკა ქუთათელაძე, რომელიც მოსკოვის “სპარტაკის” მეორე გუნდში თამაშობს, რუსეთის მოქალაქე გახდა.
20 წლის ფეხბურთელს გასულ სეზონში, რუსეთის რანგით მეორე ლიგაში, სადაც “სპარტაკი 2” ასპარეზობს, სულ 4 მატჩი აქვს ჩატარებული და არცერთი შედეგიანი ქმედებით არ ყოფილა გამორჩეული.
რუსეთის ახალგაზრდულ ჩემპიონატში კი 41 მატჩში მიიღო მონაწილეობა, 15 გოლი გაიტანა და 7 საგოლე გადაცემა გააკეთა. საქართველოს 17-წლამდელთა ნაკრებში ქუთათელაძემ 4 მატჩი ჩაატარა. “ტრანსფერმარკტი” მას 175 ათას ევროდ აფასებს.
