“მილუოკი ბაქსი” სტუმრად “ბრუკლინ ნეტს” დაუპირისპირდა და ანგარიშით 115:119 დამარცხდა, სანდრო მამუკელაშვილმა კი ორმაგი დუბლი შეასრულა.
22 წლის ქართველმა კალათბურთელმა მოედანზე 30:11 წუთი გაატარა, რა დროშიც 20 ქულა და 11 მოხსნა მიითვალა.
სანდრომ ბურთი ორჯერ შეტევაში მოხსნა, ცხრაჯერ კი საკუთარ ფარზე და ამ მაჩვენებლით მოედანზე საუკეთესო იყო. მის ანგარიშზე ასევე თითო ჩაჭრა და პასი იყო. მამუკელაშვილმა 9 ორქულიანი ისროლა და 6 ზუსტად, პერიმეტრიდან კი მისი 5 მცდელობიდან მხოლოდ 2 ჩავარდა ფარში. სანდრომ 6 საჯარიმოდან მხოლოდ 2 ჩააგდო. მის ანგარიშზე ასევე 4 დაკარგვა და არცერთი ჯარიმაა.
