BIG EAST-ის კონფერენციამ სეტონ ჰოლის ქართველი ლიდერი სანდრო მამუკელაშვილი, სეზონის საუკეთესო მოთამაშედ დაასახელა, თანაც გასათვალისწინებელია, რომ „პირატები“ კონფერენციაში მე-5 ადგილზე გავიდნენ.
სანდროსთან ერთად კონფერენციის ხელმძღვანელების გადაწყვეტილებით, ტიტულს ვილანოვას მოთამაშეები კოლინ გილესპი და ჯერემაია რობინსონ-ერლიც მიიღებენ.
Check out the release on our #BIGEASThoops Award Winners!
Co-Players of the Year: @NovaMBB’s Collin Gillespie and Jeremiah Robinson-Earl + @SetonHallMBB’s Sandro Mamukelashvili
Freshman: @StJohnsBBall’s Posh Alexander
Coach: #SJUBB’s Mike Andersonhttps://t.co/VigFhGO0Ou
— #BIGEASThoops (@BIGEASTMBB) March 10, 2021
ეს უპრეცედენტო გადაწყვეტილებაა. ხმის მიცემაში კონფერენციის გუნდების მწვრთნელები მონაწილეობდნენ, მათ საკუთარი კალათბურთელისთვის ხმის მიცემის უფლება არ ჰქონდათ. ამ სამეულმა ერთნაირი ხმები მიიღეს.
ნიუ ჯერსული გუნდის ისტორიაში ეს მე-4 შემთხვევაა, როცა კოლეჯის მოთამაშე კონფერენციის საუკეთესო გახდა – 1982 წელს პრიზი დენ კალანდრინომ მიიღო, 1993 წელს – ტერი დეჰერმა, ხოლო 2020-ში – მაილს პაუელმა.
მამუკელაშვილი Big East-ის კონფერენციაში იმ ორ კალათბურთელს შორისაა, რომლებიც ქულებში, მოხსნებსა და პასებში საუკეთესოთა შორის იმყოფებიან. ის მეორეა ქულებში (17.8), მე-6 მოხსნებში (7.3) და მე-13 ასისიტებში (3.1).
სანდრომ 20 ან მეტი ქულის ჩაგდება 12 მატჩში მოახერხა, 2-ჯერ კი 30 ქულასაც დააგროვა. ეს უკანასკნელი მაჩვენებელი გამორჩეულია, რადგანაც სეტონ ჰოლის მძიმე ფორვარდთაგან იდენტური რამ მხოლოდ ლიეტუველ არტურას კარნიშოვასს მოეხერხებინა უკვე შორეულ 1993-94 წლების სეზონში.
მამუკელაშვილი კარლ მელოუნის სახელობის პრიზისთვისაც იბრძვის, რომელიც ამერიკის სტუდენტური ლიგის საუკეთესო თავდამსხმელს (მძიმე ფორვარდი) გადაეცემა. სანდრო ამ ნომინაციაში ხუთ საუკეთესო მოთამაშეს შორის მოხვდა და ფინალში გავიდა. გამარჯვებული კი 9 აპრილს გამოვლინდება.
შეგახსენებთ, რომ 11 მარტს სეტონ ჰოლი კონფერენციის ფინალური ტურნირის პლეი ოფის პირველი მატჩს სენტ ჯონთან გამართავს. ფინალში გასვლის შემთხვევაში გუნდი „მარტის საგიჟეთში“ თამაშის უფლებას მოიპოვებს.
