საქართველოს ნაკრებმა მსოფლიო ჩემპიონატის კვალიფიკაციის გასვლითი შეხვედრა პრიშტინაში კოსოვოს ეროვნულ ნაკრებთან 2:1 მოიგო და მეტოქე ბოლო ადგილზე დააქვეითა, თავად კი მე-4 ადგილზე დაწინაურდა.
მატჩის დასაწყისში უსიამოვნო ინციდენტი მოხდა – კოსოვოს მხარის გულშემატკივრებმა საქართველოს ჰიმნის შესრულებისას სტვენა დაიწყეს, რაც საფეხბურთო მატჩების ეთიკური ნორმების უხეში დარღვევაა.
წესით, ამის გამო უეფა-მ კოსოვოს ფეხბურთის ფედერაცია უნდა დასაჯოს. მსგავსი საქციელისთვის არაერთი დისკვალიფიკაციის გახსენება შეიძლება. ვნახოთ, უეფა ამჯერად რა გადაწყვეტილებას მიიღებს.