სალომე ფაჟავამ საკვალიფიკაციო ეტაპი ვერ დაძლია

ტოკიოში მიმდინარე ოლიმპიური თამაშებზე სალომე ფაჟავა საუკეთესო ათეულში ვერ მოხვდა და ფინალის საგზური სამწუხაროდ ვერ მოიპოვა.

ქართველმა სპორტსმენმა მონაწილეობა 4 დისციპლინაში მიიღო და საერთო ჯამში 89.650 ქულა დააგროვა. პირველად სალომემ რგოლის ვარჯიში შეასრულა და 23.550 შედეგით დაასრულა.

სალომემ მეორე გამოსვლაზე ბურთით იასპარეზა და 21,950 ქულა დააფიქსირა.

მესამეზე ცდაზე ფაჟავამ აჭარულ ჰანგებზე გურზებით ვარჯიში შეასრულა,რომელზეც მას მსაჯებმა 23,500 ქულა დაუწერეს.

ბოლო მისვლაზე კი სალომემ ვარჯიში ბაფთით აჩვენა და 20,650 ქულა მიიღო.

შეგახსენებთ, რომ ამ დროისთვის, საქართველოს ანგარიშზე ორი ოქროს, ოთხი ვერცხლის და ერთი ბრინჯაოს მედალია. ოქროს მედლები ლაშა ბექაურმა და ლაშა ტალახაძემ მოიპოვეს.