გლობალურმა პანდემიამ რომ სამყარო თავდაყირა დააყენა არახალი ამბავია. კორონავირუსი სპორტს და ფეხბურთსაც მტკივნეულად შეეხო და აგერ უკვე წელიწადია ღონისძიებები მკაცრი რეგულაციების თანხლებით იმართება.
უმაყურებლო მატჩებს გუნდები დიდი ხანია შეეჩვივნენ, ახლა კი ზოგიერთ შემთხვევებში ამა თუ იმ კლუბს ევროტურნირებზე მასპინძლის სტატუსი კი აქვთ, თუმცა მეტოქეს მაინც ნეიტრალურ ქვეყანაში დაუპირისპირდება.
ასე იქნება ევროპა ლიგის პლეიოფის ერთ მატჩში, რომელშიც „სოსიედადი“ „მანჩესტერ იუნაიტედს“ 18 თებერვალს უნდა შეხვდეს, თუმცა ირკვევა, რომ ესპანელები სულშერის გუნდს მშობლიურ სან-სებასტიანში ვერ მიიღებს. მიზეზი კი არა უეფა, არამედ ესპანეთის მთავრობის გადაწყვეტილებაა, რომლის თანახმადაც ქვეყანაში ინგლისიდან შესვლა გარკვეულ ხანს იკრძალება.
„სოსიედადმა“ მანჩესტერელთა სამასპინძლოდ ქალაქი ტურინი და „იუვენტუსის“ სტადიონი შეარჩია. ესპანური გუნდის ბოსებმა უკვე მიმართეს უეფას ამის თაობაზე და მათგანაც თანხმობა მიიღეს. ახლა ჯერი იტალიის ხელისუფლებაზეა. მათ უნდა გასცენ ნება, რათა ეს მატჩი მათ ქვეყანაში გაიმართოს.
