„შოთა აუცილებლად ოპტიმალურ გადაწყვეტილებას მიიღებს“, – ამის შესახებ რეზი არგველაძემ პირველ არხზე, გადაცემა „ტაიმაუტში“ სტუმრობისას განაცხადა.
მისივე თქმით, 47 წლის ქართველი სპეციალისტი ახლა სტამბოლში იმყოფება და არველაძეების უმცროსი თაობის წარმომადგენლის, ვატო არველაძის თამაშებს ესწრება. ამავდროულად, შოთი თავის სამომავლო გეგმებს აქტიურად განიხილავს და გადაწყვეტილებასაც უახლოეს მომავალში მიიღებს.
„ბუნებრივია, ასეთი კარგი წლების შემდეგ, ახლა შოთის ბევრი არჩევანი აქვს. მათ შორის ემირატებიდან, ორი აზიური ნაკრებიდან, ნიდერლანდებისა და თურქეთის გუნდიდან, ამიტომ არ ჩქარობს.
ახლა ისვენებს, რთული წლის შემდეგ ესეც მნიშვნელოვანია. მეტი თავისუფალი დრო აქვს, სტამბოლში ვატოს თამაშებზე დადის. ამ გუნდთან ჩვენ კიდევ ბევრი რამ გვაკავშირებს. შოთა აუცილებლად ოპტიმალურ გადაწყვეტილებას მიიღებს“, – განაცხადა რეზი არველაძემ.
