საბურთალო აღარ ხუმრობს

ახალი მთავარი მწვრთნელის, ხვიჩა შუბითიძის ხელში „საბურთალომ“ ეროვნულ ლიგაში მიჯრით მესამე თამაში მოიგო. ამჯერად, თბილისურმა გუნდმა წყალტუბოს „სამგურალი“ დაიბრიყვა და 2:0 დაამარცხა.

შეგახსენებთ, „სამგურალსაც“ გამოცდილი სპეციალისტის სოსო ფრუიძის თავკაცობით წარმატებული სერია ჰქონდა. წყალტუბოელებმაც აქამდე ზედიზედ ორ მატჩში იზეიმეს გამარჯვება, თუმცა ეს წარმატებული სვლა „საბურთალომ“ შეაწყვეტინა.

მატჩის პერიპეტიების აღწერით თავს არ შეგაწყენთ. უბრალოდ ვიტყვით იმას, რომ მასპინძლები უპირატესობას 90 წუთის მანძილზე ფლობდნენ და გამარჯვებაც ეჭქვეშ არ დაუყენებიათ.

„საბურთალო“ პირველ ტაიმში მოლდოველმა ლეგიონერმა დიმიტრი მანდრიჩენკომ დააწინაურა, ხოლო მეორე ნახევარში თავი იური ტაბატაძემ გამოიჩინა და მატჩის საბოლოო ანგარიშიც დააფიქსირა.

ამ გამარჯვებით, „საბურთალო“ 20 ქულით სატურნირო ცხრილში მეორე ადგილზე დამკვიდრდა, ხოლო „სამგურალი“ 12 ქულით მე-7 პოზიციაზეა.