ისევე როგორც ფეხბურთსა და კალათბურთში, ამიერიდან საქართველოს კიდევ ერთ სათამაშო ეყოლება უცხოელი მწვრთნელი.
საუბარია ვაჟ ხელბურთელთა ნაკრებზე, რომელსაც რუმინელი სპეციალისტი სანდუ ფლორინ იაკობი უთავკაცებს.
თუ არ ჩავთვლით რუმინეთის ახალგაზრდულ ნაკრებს და ეროვნულ გუნდში მთავარი მწვრთნელის ასისტენტობას, 43 წლის სანდუ ფლორინ იაკობს სანაკრებო დონეზე მუშაობის დიდი გამოცდილება არ აქვს. სამაგიეროდ სამშობლოში მოვლილი აქვს 5 კლუბი, სადაც ყველაზე დიდ წარმატებას „კონსტანტაში“ მიაღწია, როდესაც რუმინეთის თასს დაეუფლა.
საქართველოს ხელბურთის ნაკრების ახალ მთავარ მწვრთნელს რუმინეთის ნაკრებში 154 მატჩი აქვს ჩატარებული და 576 გოლი გაიტანა. 2009 წელეს, ხორვატიაში გამართულ მსოფლიოს ჩემპიონატზე სანდუ ფლორინ იაკობი სულაც გუნდის კაპიტანი გახლდათ.
