ხვიჩა კვარაცხელიას ტრავმის შესახებ ყაზანის „რუბინის“ მთავარმა მწვრთნელმა ლეონიდ სლუცკიმ პირველი კომენტარი გააკეთა.
„ხვიჩა გუნდთან ერთად ჩვეულებრივ, უპრობლემოდ ვარჯიშობდა. თამაშამდე მას დაზიანება არ ჰქონია. წინასწარ რაც ვიცით, არის ის, რომ მას დაზიანება ბარძაყის არეში აქვს მიღებული, თუმცა არ ვიცით სიმძიმე. ამას მაგნიტურ-რეზონანსული გამოკვლევის შემდეგ გავიგებთ“, – განაცხადა სლუცკიმ.
შეგახსენებთ, რომ დღეს, რუსეთის პრემიერ ლიგის 26-ე ტურში „ურალისა“ და „რუბინის“ შეხვედრის 32-ე წუთზე ხვიჩა კვარაცხელიამ მოულოდნელად ტრავმა მიიღო და შეხვედრის გაგრძელება ვეღარ შეძლო. 20 წლის ფეხბურთელმა მოედანი სამედიცინო შტაბის დახმარებით დატოვა. ახალგაზრდა ფეხბურთელს გამოკვლევები ამ წუთებში უტარდება და ტრავმის სიმძიმეც რამდენიმე საათში გახდება ცნობილი.
ოღონდ ეს არა… ხვიჩა კვარაცხელიამ ტრავმა მიიღო და მოედანი დატოვა (VIDEO)
