რონალდუ ლევანდოვსკიზე უკეთესია

პორტუგალიელმა სუპერვარსკვლავმა კვლავ ყველას ზემოდან გადმოხედა. კრიშტიანუ რონალდუმ, 2020 წელი, სხვა არაერთი ხელშესახები გამარჯვების გარდა, ერთი საინტერესო მიღწევითაც დაასრულა.

ყველაფერში მოკირკიტე სტატისტიკოსებმა არ დაიზარეს, დათვალეს და აღმოჩნდა, რომ რონალდუს წინა წელს უშუალოდ თამაშიდან ყველაზე მეტი გოლი გაუტანია. „იუვენტუსის“ ფორვარდის ანგარიშზე მეტოქეთა კარის მისამართიდ 33 შედეგიანი დარტყმაა. მიხვდებოდით, ამ გოლებში პენალტებით გატანილი არ იგულისხმება და რა თქმა უნდა საუბარი ტოპ 5 ჩემპიონატს ეხება.

კრიშტიანო რონალდუმ ამ მაჩვენებლით 2020 წლის საუკეთესო ფეხბურთელს რობერტს ლევანდოვსკის გადაასწრო. „ბაიერნის“ პოლონელი შემტევის ანგარიშზე 32 გოლია.

მესამე ადგილი, 28 გოლით  „ლაციოს“ თავდამსხმელს ჩირო იმობილეს ერგო, მეოთხე-მეხუთე ადგილებზე კი 23 გოლით მოჰამედ სალაჰი და ერლინგ ჰოლანდი გავიდნენ.

მოარულ ხმებს თუ დავუჯერებთ, ამ ზაფხულს კრიშტიანო რონალდუ „იუვენტუსს“ დატოვებს და „მანჩესტერ იუნაიტედში“ დაბრუნდება.