გამოცემა Goal-თან საუბრისას, ბარსელონას მწვრთნელმა რონალდ კუმანმა, შესანიშნავ ფორმაში მყოფ, მადრიდის ატლეტიკოს ურუგვაელ თავდამსხმელზე, ლუის სუარესზე ისაუბრა, რომელიც გუნდიდან სწორედ მან გაუშვა.
ეს ყველაფერი სამუშაოს ნაწილია. როდესაც ბარსელონას ჩავუდექი სათავეში, საკუთარი აზრი გვქონდა, შემდეგ კი გადაწყვეტილება მივიღეთ.
ასეთი გადაწყვეტილებები უნდა მივიღოთ. თუ ყველაფერი კარგად მიდის – შესანიშნავია, მაგრამ თუ რაღაც არ გამოდის, ესე იგი, ასეც უნდა იყოს.
რა თქმა უნდა, უკეთესი იქნებოდა, ლუისი ატლეტიკოს ნაცვლად ტურინის იუვენტუსში გაგვეშვა, რადგან ამ შემთხვევაში ის ესპანეთის ლიგაში არ ითამაშებდა.
როგორც არ უნდა იყოს, მართლაც რომ რთული გადაწყვეტილება უნდა მიგვეღო, მაგრამ მოთამაშისადმი პატივისცემით. ვფიქრობ, ეს მეტად მნიშვნელოვანია.
მინდა იცოდეთ, რომ ჩვენს ადრეულ გადაწყვეტილებას კვლავაც მხარს ვუჭერ, – განაცხადა კუმანმა.
შეგახსენებთ, რომ ლუის სუარესმა ლა ლიგის მიმდინარე გათამაშებაში 16-ჯერ ითამაშა და 14 გოლის გატანა მოახერხა, ის ბომბარდირობის მთავარ კანდიდატად ითვლება.
