როგორი იქნება რობერტ ლევანდოვსკის მომავალი? ცხელი სატრანსფერო ამბები რომ გველის ეჭვგარეშეა, თუმცა პოლონელი ფორვარდის იგვლივ კონკრეტული ჯერ არაფერია.
32 წლის ფეხბურთელს ევროპული გრანდებიდან არაერთი მთხოვნელი კი ჰყავს, მაგრამ დარჩება თუ წავა? ისე, კაცმა რომ თქვას, ლევანდოვსკისთვის „ბაიერნი“ თითქოს მშობლიურ გუნდად იქცა და თავს ისე გრძნობს როგორც თევზი წყალში.
„ჩემი მომავალი? ყველასთვის ღია ვარ და დასამალი არაფერი მაქვს. ბაიერნში თავს ძალიან კომფორტულად ვგრძნობ. ქალაქი არაჩვეულებრივია, გუნდი კი საოცარი.
ჩემთვის ყოველთვის საინტერესო იყო და არის ახალი კულტურის გაცნობა, ენების შესწავლა, მაგრამ ამის კეთებას ფეხბურთთან ერთად განვაგრძობ თუ კარიერის დასრულების შემდეგ ჯერ არ ვიცი“ – ამბობს რობერტ ლევანდოვსკი.
პოლონელი შემტევისთვის აწ უკვე დასრულებული სეზონი მართლაც შთამბეჭდავი გამოდგა. მან „ბაიერნის“ რიგებში 48 გოლი გაიტანა და ლეგენდარული გერდ მიულერის რეკორდი დაამხო. მიუნხენურ გრანდთან ლევანდოვსკის კონტრაქტი 2023 წლამდე აკავშირებს.
