რეზი არველაძემ საქართველოს პირველი არხის გადაცემა “საფეხბურთო ტაიმაუტში” იმ მიზეზებზე ისაუბრა, თუ რატომ არ გააგრძელა სამწვრთნელო კარიერა.
“ვიცი მწვრთნელობა რატომ არ გავაგრძელე. ამას სხვა რამ უნდა, რაც ჩემს თავში ვერ დავინახე. ვიფიქრე, დიდი მწვრთნელი ვერ გავხდებოდი და თავი დავანებე. გერმანიაში ავიღე სამწვრთნელო ლიცენზია, მწვრთნელად ვიმუშავე “დინამოში”, ახალგაზრდულ ნაკრებში და ეს საქმიანობა სიამოვნებას მგვრიდა. თუმცა იმასაც ვხედავდი, რომ ბევრი ადგილი არ იყო საქართველოში, სადაც სული და გული შემეძლო ჩამედო”, – თქვა რეზიმ.
