საქართველოს ეროვნული ნაკრების ახალგაზრდა გამთამაშებელმა რატი ანდრონიკაშვილმა ტრავმა მოირჩინა და ახლა “კრეიტონში” ახალი სეზონისთვის ემზადება.
“კრეიტონის” მთავარმა მწვრთნელმა გრეგ მაკდერმოტმა ახალგაზრდა ქართველის მდგომარეობის შესახებ ისაუბრა.
“მუხლის ჯვარედინი იოგები დაიზიანა და ხანგრძლივი მკურნალობა მოუწია. რატიმ ოპერაცია 14 ნოემბერს გაიკეთა, ახლა კი, სრულ მზადყოფნაშია და გუნდთან ერთად სრული დატვირთვით ვარჯიშობს.ჩვენ ყველანაირად უნდა შევუწყოთ მას ხელი, რომ სრულფასოვანი დაბრუნება მალევე მოახერხოს. ეს საჭიროა, რათა სასურველ ბალანსს მიაღწიოს. ამ შემთხვევაში შესძლებს იმის გაკეთებას, რასაც მისგან ვითხოვთ”, – ამბობს კრეიტონის მთავარი მწვრთნელი.
“კრეიტონი” სეზონის პირველ მატჩს 30 ოქტომბერს “აფერ აიოვასთან” გამართავს.
შეგახსენებთ, რომ 20 წლის ანდრონიკაშვილი “კრეიტონში’ ერთ-ერთ ვარჯიშზე მძიმედ დაშავდა.
