სანდრო მამუკელაშვილის სეტონ ჰოლი NCAA-ს მატჩში, შინ რატი ანდრონიკაშვილის (ტრავმა) კრეიტონს დაუპირისპირდა და დაძაბულ ბრძოლაში 81:85 დამარცხდა
ქართველმა ფორვარდმა, რომელიც „პირატების“ ლიდერია, პარკეტზე 33 წუთი გაატარა და საკუთარ გუნდს 11 ქულა, 6 მოხსნა, 2 პასი და 1 დაფარება შესძინა. ქართველმა კალათბურთელმა 6-დან 3 ორქულიანი 3-დან 1 სამქულიანი და 2-დან 2 საჯარიმო ჩააგდო.
ეს მარცხი სეტონ ჰოლისთვის ზედიზედ მე-2 იყო. გუნდს Big East-ის კონფერენციაში 6 გამარჯვება და 4 მარცხი დაუგროვდა, ხოლო მთლიანად სეზონში 9 მოგებისა და 6 წაგების ბალანსი გააჩნია. სანდრო და მისი თანაგუნდელები მომდევნო მატჩს 31 იანვარს ვილანოვას წინააღმდეგ გამართავენ.
🏹 @Mamukelashvili5 sinks the open triple for @SetonHallMBB pic.twitter.com/osA3ubbrY7
— FOX College Hoops (@CBBonFOX) January 28, 2021
ავტორიტეტულმა ამერიკულმა სააკენტო Bleacher Report-მა კი NBA-ს 2021 წლის დრაფტის სავარაუდო რეიტინგი განაახლა. TOP 50-ში კი სასიამოვნოა, რომ სანდროც მოხვდა, მათ სანდროს ჯერჯერობით, 48-ე ნომერი მიანიჭეს.
სეტონ ჰოლში ხშირად, გამთამაშებელ-ცენტრად თამაშობს. მამუკელაშვილი საინტერესო ტალანტია „მაღლებში“, რადგან ბურთს ძალიან კარგად ატარებს და კარგი პასი აქვს, ასევე ის კარგად უტევს შორი დისტანციიდან.
დრაფტის მეორე რაუნდში გაჭირდება უარი თქვან ასეთ მოთამაშეზე დაცვითი უნარების შეზღუდულობის გამო, რადგან შეტევაში NBA-ს ვარსკვლავის დონის პოტენციალი აქვს და მრავალფეროვანია, – ვკითხულობთ ქართველზე.
