ვაშინგტონ ვიზარდსში ბრედლი ბილისა და ჯონ უოლის ეპოქა ოფიციალურად მას შემდეგ დასრულდა, რაც დედაქალაქელებმა ეს უკანასკნელი ჰიუსტონ როკეტსში ყოფილი MVP რასელ ვესტბრუკის და მომავალი პიკის სანაცვლოდ გაუშვეს.
ახლა ბილი და ვესტბრუკი მზად არიან NBA-ში ერთ-ერთი უსწრაფერი უკანახაზი შექმნან, თანაც გუნდს შემადგენლობაში რამდენიმე ნიჭიერი ახალგაზრდა ყავს, რომლებიც ახალ ეტაპზე გადასასვლელად მზად არიან. მიუხედავად იმისა, რომ ამ გადაწყვეტილებამ ბილზე პოზიტიურად უნდა იმოქმედოს, გუნდს მაინც შეუძლია დაფიქრდეს, ხომ არ ჯობია მისი გაშვება და ახალი პროექტის წამოწყება.
NBA-ში ახლახანს რამდენიმე „გიჟური“ გარიგება შედგა, ამიტომ ვაშინგტონსიგან ბილის გაშვება გასაკვირი ნამდვილად არ იქნება. თუმცა შეგვიძლია ვივარაუდოდ, რომ თავდაპირველად დედაქალაქელები ამ დუეტის პროდუქტიულობას გამოცდიან.
აღსანიშნავია, რომ გარიგებამდე რამდენიმე საათით ადრე, უოლმა საკუთარ Instagram-ზე სპორტული ფეხსაცმელი გამოაქვეყნა, რომელიც მას როკეტსის ფორვარდმა პი ჯეი ტაკერმა უსახსოვრა.
ივარაუდება, რომ უოლმა დიდი ალბათობით მომავალი გაცვლის შესახებ იცოდა და ამ შეტყობინებით მან მინიშნება გააკეთა.
