მადრიდის რეალის კაპიტანი სერხიო რამოსი სევილიას წინააღმდეგ ლა ლიგის 35-ე მატჩში სავარაუდოდ არ ითამაშებს.
AS-ის ინფორმაცით, გუშინ და დღეს მადრიდის რეალის ზოგად ჯგუფთან ერთად ცენტრალურ მცველს არ უვარჯიშია. რამოსმა დააჩქარა ტრავმის აღდგენა და ჩემპიონთა ლიგის ნახევარფინალის საპასუხო შეხვედრაში ჩელსიის წინააღმდეგ (0-2, პირველი თამაში 1-1). ესპანელმა მოედანზე 90 წუთი გაატარა, თუმცა როგორც ჩანს 100% მზად არ იყო.
მადრიდული კლუბის პრესსამსახურის ცნობით, რამოსს მუხლის ტრავმა აქვს. რაც შეეხებათ ფედე ვალვერდესა და ვინისიუს ჯუნიორს, რომლებიც გუშინ დარბაზში ვარჯიშობდნენ, დღეს ისევ ძირითად ჯგუფთან ერთად არიან და თამაში შეუძლიათ.
ამ დროისთვის მადრიდის რეალი” მთავარ მწვრთნელს ზინედინ ზიდანს მხოლოდ ორი ჯანმრთელი ცენტრალური მცველი ჰყავს – ნაჩო ფერნანდესი და ედერ მილიტაო. რაფაელ ვარანმა ოსასუნასთან თამაშის დროს ტრავმა მიიღო და ისიც ვერ ითამაშებს.
