NBA-ს G ლიგაში “ფორტ ვეინ მედ ანტსმა” “გრანდ რაპიდს გოლდსი” 131:127 დაამარცხა. ქართველმა კალათბურთელებმა გოგა ბითაძემ და გიორგი ბეჟანიშვილმა მატჩი მაღალ დონეზე ჩაატარეს.
ბითაძემ მოედანზე 36 წუთი გაატარა, რა დროშიც 38 ქულა, 14 მოხსნა, 5 პასი, 1 ჩაჭრა და 1 დაფარება დააგროვა. გოგამ 11-დან 7 ორქულიანი, 8-დან 6 სამქულიანი და 3 საჯარიმო ჩააგდო. ამრიგად მან ძალიან შედეგიანი მატჩი ჩაატარა.
რაც შეეხება ბეჟანიშვილს, მან სასტარტოდან დაიწყო იყო და 37 წუთში 25 ქულა, 7 მოხსნა და 1 პასი დააგროვა. ბეჟანიშვილმა 12-დან 11 ორქულიანი და 2 საჯარიმო ჩააგდო.
“ფორტ ვეინ მედ ანტსს” G ლიგაში 8 მოგება და 4 მარცხი აქვს და ცენტრალურ დივიზიონში მე-2 ადგილზეა.
“გრანდ რაპიდსს” კი 5 მოგება და 6 მარცხი აქვს და სატურნირო ცხრილში მეექვსე ადგილზეა.
“ფორტ ვეინი” შემდეგ მატჩში 27 დეკემბერს “პარკ სქაიჰოუქსს” დაუპირისპირდება. “გრანდ რაპიდსი” კი 17 დეკემბერს “ვინდი სიტი ბულსს” შეხვდება.
