იტალიური „ატალანტა“ საკმაოდ სიმპათიური გუნდია, რომელიც ლაღ და შემდევ ფეხბურთს თამაშობს. ბერგამოელებმა არაერთ ნეიტრალურ ქომაგსაც შეაყვარეს თავი.
„რეალთან“ 0:1 წაგება ამ მხრივ არაფერს ცვლის. სამეფო გუნდი, მიუხედავად ამ მატჩში ლაზარეთში მყოფ ფეხბურთელთა დანაკლისისა ალბათ მაინც ფავორიტად მოიაზრებოდა.
„ატალანტა“ მატჩის დებიუტშივე კაცნაკლული დარჩა. წაგების მიუხედავად, ანგარიშია ისეთია, რომ გადაწყვეტილი ჯერ არაფერია.
ბერგამოელთა დამრიგებელი პიერო გასპერინი იმედს არ კარგავს და მადრიდში გამარჯვებას უმიზნებს.
„10 კაცით დარჩენამ ჩვენი გეგმები არია. ის თამაში ვეღარ ვაჩვენეთ, რაც დაგეგმილი გვქონდა და ქომაგები ელოდნენ. ამის გამო გული ძალიან მწყდება.
ატალანტას უყვარს შეტევა და ეს ყველამ იცის, მაგრამ ამ მატჩში ძირითად ყურადღებას მაინც დაცვაზე ვამახვილებდით. მიუხედავად წაგებისა, ვთვლი რომ ეს ამოცანა შევასრულეთ.
ჯერ არაფერი დასრულებულა. მადრიდში უნდა მოვიგოთ და მომდევნო ეტაპზე გავიდეთ“ – ამბობს პიერო გასპერინი.
