საქართველოს ნაკრების ვიცე-კაპიტანმა გურამ კაშიამ კოსოვოსთან წაგებულ შეხვედრაზე ისაუბრა:
„რთული თამაში გამოვიდა, დასანანი გოლი გავუშვით. მანამდე იძულებითი ცვლილებაც განხორციელდა. საერთო ჯამში კარგად ვერ ვითამაშეთ. ფეხბურთელებმა უფრო მეტი ორთაბრძოლა უნდა მოვიგოთ და უფრო თამამად ვიმოქმედოთ. სამწუხაროდ, დღეს ნაჩვენები თამაში საკმარისი არ აღმოჩნდა იმისთვის, რომ ქულა მაინც აგვეღო“, – განაცხადა გურამ კაშიამ.
34 წლის ქართველმა მცველმა ესპანეთის ნაკრებთან გასამართ მატჩზეც ისაუბრა:
„რაც შეიძლება მალე უნდა აღვიდგინოთ ძალები, ეს წაგება ჩვენთვის ძალიან ცუდი იყო, მისი დავიწყება რთული იქნება, მაგრამ აუცილებელია, რაც შეიძლება მალე გადავერთოთ შემდეგ მატჩზე“.
შეგახსენებთ, რომ საქართველოს ნაკრები მსოფლიოს ჩემპიონატის საკვალიფიკაციო ეტაპის მომდევნო მატჩს 5 სექტემბერს ესპანეთის წინააღმდეგ გამართავს. 4 ტურის შემდეგ ვილი სანიოლის გაწვრთნილი ნაკრები ჯგუფში ბოლო ადგილზე იმყოფება.
