ნოდარ ქუმარიტაშვილის ტრაგიკული გარდაცვალებიდან 12 წელი გავიდა. 21 წლის მოციგავე ვანკუვერის ოლიმპიური თამაშების გახსნამდე რამდენიმე საათით ადრე, საცდელი დაშვების დროს დაიღუპა.
ახალგაზრდა სპორტსმენმა უისტლერის ოლიმპიურ ტრასაზე ერთ-ერთი ბოლო სავარჯიშო დაშვების დროს მართვა დაკარგა და 143.3 კმ/სთ სიჩქარით მოძრავი ციგა ტრასის ბორტს შეეჯახა. შეჯახების შედეგად, ნოდარ ქუმარიტაშვილი ციგიდან ამოვარდა და ტრასიდან მოშორებით, ლითონის კონსტრუქციას შეეჯახა. სასწრაფო დახმარების ვერტმფრენით ის მაშინვე საავადმყოფოში გადაიყვანეს, თუმცა მისი გადარჩენა ვერ მოხერხდა. 21 წლის ქართველი სპორტსმენი საავადმყოფოში მიყვანის შემდეგ გარდაიცვალა.
ნოდარ ქუმარიტაშვილი 20 თებერვალს, მის მშობლიურ ბაკურიანში, ეკლესიის ეზოში დაკრძალეს.
