საფრანგეთის დედაქალაქ პარიზში, 5-6 თებერვალს ძიუდოს გრანდ სლემი გაიმართება. აღნიშნულ ტურნირზე საქართველოს ნაკრები 6 ძიუდოისტით იასპარეზებს.
ნაკრებს სულ ცოტა ხნის წინ კორონავირუსის გამო ბაგრატ ნინიაშვილი და თემურ ნოზაძე გამოაკლდნენ. შემადგენლობა კი ასე გამოიყურება:
60 კგ – ჯაბა პაპინაშვილი
66 კგ – ვაჟა მარგველაშვილი
73 კგ – ლაშა შავდათუაშვილი
81 კგ – ტატო გრიგალაშვილი
90 კგ – ლუკა მაისურაძე; ბექა ღვინიაშვილი.
თავდაპირველად, ტურნირზე 13 ქართველ ძიუდოისტს უნდა ეასპარეზა, თუმცა თემურ ნოზაძე, ბაგრატ ნინიაშვილი, ვლადიმირ ახალკაცი, ილია სულამანიძე, ონისე სანებლიძე, გურამ თუშიშვილი და გელა ზაალიშვილი შეჯიბრებიდან ჩაეხსნენ.
ტურნირის ორგანიზატორების თხოვნით გრანდ სლემის მონაწილე სპორტსმენი სრულად აცრილი უნდა იყოს. სწორედ ამ მიზეზით ბევრი ძიუდოისტი ტურნირს ჩაეხსნა.
საბოლოო ჯამში, პარიზის გრანდ სლემზე 54 ქვეყნის 310 სპორტსმენი იასპარეზებს.
