ნიკოლოზ ბასილაშვილი კანადის ქალაქ ტორონტოში მიმდინარე მასტერსს 1/8 ფინალში გამოეთიშა.
ბასილაშვილი მე-3 წრეში მე-7 ნომრად განთესილ პოლონელ ჰუბერტ ჰურკაჩს გაეჯიბრა და 7:6 (9:7), 4:6, 4:6 წააგო. თამაში 2 საათსა და 42 წუთს გაგრძელდა და საქართველოს პირველ ჩოგანს 11 ეისი და 8 ორმაგი შეცდომა მოუგროვდა.
ბასილაშვილმა პირველ სეტში სოლიდური ჩამორჩენა აღმოფხვრა გადამწყვეტ სეტში კი 4:5-ს აგებდა, როდესაც მეტოქის მოწოდებაზე 40:0 დაწინაურდა, თუმცა, სამმაგი ბრეიკ-პოინტი ვერ გამოიყენა. შედეგად, პოლონელმა ჩოგბურთელმა მეოთხედფინალში გასვლა მოახერხა, სადაც მედვედევს შეხვდება.
შეგახსენებთ, რომ ნიკოლოზმა ტორონტოში 2 გამარჯვება იზეიმა. პირველ წრეში ამერიკელ ჯენსონ ბრუკსბის სძლია, მეორეში კი ავსტრალიელ ალექს დე მინორს იოლად მოუგო. ATP-ს რეიტინგში ქართველი ჩოგბურთელი 2 ადგილით დაწინაურდა და 1 565 ქულით მე-40 პოზიციაზეა.
