ნებისმიერი გუნდის დამარცხება შეგვიძლია! – ილიას ზუროსი კალათბურთელებს

Eurobasket 2022-ის საკვალიფიკაციო ეტაპის მეოთხე ტურში საქართველოს კალათბურთელთა ნაკრებმა შვეიცარია 7 ქულის სხვაობით, 84:91 დაამარცხა.

შეხვედრის დასრულების შემდეგ ჩვენი გუნდის ბერძენმა მთავარმა მწვრთნელმა კალათბურთელებს სამოტივაციო სიტყვით მიმართა.

„ბიჭებო, სწრაფად ვიტყვი. თამაშში ყველამ გული ჩადო. ჩვენ წარმოვადგენთ ქვეყანას, ყველამ ყველაფერი გაიღო. ყველამ, სასტარტოებმა, სათადარიგოებმა – გული ჩადეს. მე ამას ვაფასებ, დიდი მადლობა.

ჩვენ ერთი გუნდი ვართ. ერთად ვართ რთულ და კარგ მომენტებში და ვაყალიბებთ ხასიათს. ყველას ვაჩვენეთ, რომ ძლიერები ვართ. ნებისმიერის ძლევა შეგვიძლია. ვძლევთ პრობლემებს და ვიმარჯვებთ. ეს არის მნიშვნელოვანი. მადლობა ყველას.

გისურვებთ ჯანმრთელობას, გაუფრთხილდით საკუთარ თავს. შემდეგ სხვა გამარჯვებები გვექნება“, – აღნიშნა ზუროსმა.

​შეგახსენებთ, რომ ევროპირველობის შესარჩევ ეტაპზე საქართველოს ნაკრებს 100%-ანი შედეგი, ოთხიდან ოთხი მოგება აქვს.