მოსკოვის “ლოკომოტივის” ოფიციალურმა ფეისბუქ გვერდმა, კლუბის ისტორიაში 100 ფეხბურთელი გამოარჩია. აღნიშნულ სიაში ორი ქართველი ფეხბურთელი, ზაზა ჯანაშია და მალხაზ ასათიანი მოხვდა.
ასათიანი მოსკოვის “ლოკომოტივში” 2003-2010 წლებში თამაშობდა და ყველა ტურნირზე ერთად 144 მატჩში 9 გოლის გატანა მოახერხა. აღსანიშნავია, რომ მალხაზმა მოსკოველთა შემადგენლობაში რუსეთის ჩემპიონატი, თასი და სუპერთასი მოიგო. მას საქართველოს ნაკრებში 42 მატჩში 4 გოლი აქვს გატანილი.
ჯანაშია კი რუსული კლუბის რიგებში, 1996-2001 წლებში თამაშობდა და ყველა ტურნირზე ერთად 194 მატჩში 52 გოლის გატანა მოახერხა. მან მოსკოველთა შემადგენლობაში 4 თასი, სამჯერ რუსეთის პრემიერ ლიგის მოგება და ორჯერ თასების მფლობელთა თასის ნახევარფინალში გასვლა შეძლო.
ჯანაშიამ საქართველოს ნაკრების შემადგენლობაში 9 შეხვედრა ჩაატარა და 4 გოლი გაიტანა.
