19 წლის ქართველი ფეხბურთელი, ნიკოლოზ ბაჩალიაშვილი კარიერას “გაბალაში” გააგრძელებს.
თავდაპირველად ახალგაზრდა ფეხბურთელი “გაბალას” მეორე გუნდის ღირსებას დაიცავს, თუმცა წარმატებული ასპარეზობის შემთხვევაში პირველ გუნდში დაწინაურების დიდი შანსი ექნება.
19 წლის მცველმა აზერბაიჯანულ გუნდთან ხელი 1-წლიან კონტრაქტს მოაწერა.
აღსანიშნავია, რომ ნიკოლოზ ბაჩალიაშვილი სწორედ “გაბალას” აკადემიის აღზრდილია.
ქართველმა ფეხბურთელმა აზერბაიჯანულ გუნდში დაბრუნების შემდეგ “პრაიმ სპორტთან” მცირე კომენტარი გააკეთა:
“მოხარული ვარ სახლში დაბრუნებით, მოგეხსნებათ გაბალას აღზრდილი ვარ ჩემთვის ნაცნობ გარემოში დავბრუნდი. კმაყოფილი ვარ აქაური სიტუაციით, თბილი და ოჯახური გარემოა და ვეცდები, რომ გაბალას წინსვლაში დავეხმარო.” – განაცხადა ნიკოლოზმა.
ნიკოლოზ ბაჩალიაშვილი ბოლოს “კაპაზის” ღირსებას იცავდა.
