ისინი, ვინც საქართველოსა და რუსეთის სარაგბო მატჩზე დასასწრები ბილეთები შეიძინა, 20 მარტს, საქართველოსა და ესპანეთის თამაშზე დასწრებას შეძლებენ. ამის შესახებ საქართველოს რაგბის კავშირმა სპეციალურ განცხადებაში განაცხადა:
„მათ ვინც 27 თებერვალს გასამართი თამაშისთვის შეიძინეთ ბილეთები, შეგიძლიათ:
არ დააბრუნოთ აღნიშული ბილეთები და 20 მარტს ესპანეთის წინააღმდეგ გასამართი, 2022 წლის რაგბის ევროპის ჩემპიონატის ფინალურ მატჩს აღნიშნული ბილეთებით დაესწროთ;
ონლაინ შეძენილი ბილეთების დაბრუნება:
გახსენით შეძენილი ბილეთი, სადაც უკვე გააქტიურებულია „დაბრუნების“ ღილაკი. ტექნიკური შეკითხვის შემთხვევაში შეგიძლიათ დამატებით მიმართოთ TKT.GE–ს ფეისბუქზე და/ან შემდეგ მისამართზე: support@tkt.ge.
სალაროებში შეძენილი ბილეთების დაბრუნება:
ვინც თამაშის ბილეთები დინამო არენას სალაროებში შეიძინეთ, დაბრუნებას შეძლებთ ასევე დინამო არენას სალაროებში. დინამოზე სალარო იმუშავებს 3 მარტიდან 7 მარტის ჩათვლით (11-დან 19 საათამდე).“ – ნათქვამია განცხადებაში.
შეგახსენებთ, რომ საქართველოსა და რუსეთის ნაკრებების სარაგბო დაპირისპირება 27 თებერვალს უნდა გამართულიყო, თუმცა უკრაინაში მიმდიანარე პროცესების გამო, „რაგბი ევროპის“ გადაწყვეტილებით გაუქმდა.
