საქართველოს ნაკრებთან საკუთარ მოედანზე მარცხის (1:2) შემდეგ, რუმინელთა დამრიგებელმა მირელ რადოიმ მატჩი შეაფასა.
„ცოტას ვიხუმრებ და როგორც ჩანს, წაგებას მივეჩვიეთ. ბიჭებს ვერაფერში დავადანაშაულებ, ბოლომდე იბრძოლეს, მაგრამ ამდენი შესაძლებლობის გამოუყენებლობა დაუშვებელია.
მოგება გვჭირდებოდა, მაგრამ დაუმსახურებლად წავაგეთ. ეს არ ამართლებს ჩვენს შეცდომებს. მეტოქეს ბევრ სივრცეს ვუტოვებდით და ბევრ შეცდომას ვუშვებდით. მათ სწრაფი ფეხბურთელები ჰყავთ, რომლებმაც გაგვაკვირვეს.
ვთქვი, რომ მეტოქეზე მეტი გოლის გატანა მსურდა. ვნახოთ, შევძლებთ თუ არა ამას მომავალში. იმ შესაძლებლობებით, რომელიც გვქონდა, შეგვეძლო ანგარიში 3:2 გაგვეხადა და გაშვებულ გოლებს მნიშვნელობა აღარ ექნებოდა“.
