მონტე-კარლოს მასტერსის 11-გზის ჩემპიონი რაფაელ ნადალი შინ მიდის. ესპანელი მატადორი, ტურნირის 1.4 ფინალში რუს ჩოგბურთელს, ანდრეი რუბლოვს დაეჩაგვრინა და სამ სეტში – 2:6, 6:4, 2:6 დამარცხდა.
მართალია, რუბლოვი მაღალი დონის მეჩოგნეა და მსოფლიოს რეიტინგის მერვე ნომერიც გახლავთ, მაგრამ რაფა ხომ გრუნტის საფარის მეფეა. ამიტომაც, ნადალის ნებისმიერი მარცხი თიხაზე სენსაციად უნდა მივიჩნიოთ.
რაფაელ ნადალმა მონტე-კარლოში კარიერის მანძილზე მეხუთედ წააგო. რუბლოვამდე, ესპანელი, აღნიშნულ მასტერსზე, გილერმო კორიასთან, ნოვაკ ჯოკოვიჩთან, დავიდ ფერერთან და ფაბიო ფონინისთან დამარცხებულა.
აქვე ისიც ვთქვათ, რომ რაფაელ ნადალისთვის ანდრეი რუბლოვთან მარცხი, გრუნტის საფარზე კარიერაში 59-ე გახლდათ, ხოლო 507 მატჩი მოუგია.
