2 მაისს სპორტის ქართველ ქომაგს, განსაკუთრებით კი ბრძოლა წესების გარეშეს თაყვანისმცემლებს ნერვიულობა ელით. UFC-ის ეგიდით დაგეგმილი ბრძოლების თანახმად ოქტაგონზე ერთბაშად ორი ქართველი სპორტსმენი – მერაბ დვალიშვილი და გიგა ჭიკაძე გავლენ.
ამჯერად ყურადღებას დვალიშვილზე, უფრო სწორად მის მოწინააღმდეგეზე შევაჩერებთ. გეცოდინებათ, რომ ქართველი მებრძოლის მეტოქე კოდი სტიმანი იქნება. ამერიკელის აქტივში ბოლო 4 ჩხუბიდან 2 მოგება, ერთი ფრე და ერთი წაგებაა.
კოდი სტიმანი ინსტაგრამის საკუთარ გვერდზე პოსტს აქვეყნებს, სადაც ქართველ გულშემატკივარზე წყენას გამოხატავს და იმუქრება, რომ დვალიშვილს დაამარცხებს.
„მეტოქეს პატივს ვცემ. ვიცი რომ მერაბი კარგი ბიჭია, მაგრამ იგივეს ვერ ვიტყვი ქართველ გულშემატკივარზე. ისინი ძალიან ამპარტავნები ყოფილან. მათგან უპატივცემულობა ვიგრძენი.
ჩემზე რაც გინდათ თქვით, მაგრამ რატომ ეხებით ოჯახს? ასეთ დროს უკვე საქმე პირადულს ეხება. ეს ყველაფერი კიდევ უფრო მოტივირებულს მხდის. მე მას დავამარცხებ და თან ისე რომ შევარცხვენ. მის სისხლს თქვენს ხელებზე დაინახავთ“ – წერს კოდი სტიმანი.
