გუშინ, ყაზანის „რუბინი“ ამხანაგურ შეხვედრაში „კრილია სოვეტოვს“ დაუპირისპირდა და 5:0 დაამარცხა. ხვიჩა კვარაცხელიამ შეხვედრა სასტარტო შემადგენლობიდან დაიწყო, თუმცა პირველი ტაიმის დასრულებამდე 5 წუთით ადრე ლეონიდ სლუცკიმ ტრავმის გამო ნაადრევად შეცვალა.
შეხვედრის დასრულების შემდეგ „რუბინის“ დამრიგებელმა კლუბის პრესსამსახურთან ქართველი ფეხბურთელის მდგომარეობაზე ისაუბრა და განაცხადა, რომ მას მუხლის ტრავმა აწუხებს, რომელიც მუდმივია და მთელი კარიერის განმავლობაში ასე თამაში მოუწევს.
„კვარაცხელიას მუხლი აწუხებს, რის გამოც მხოლოდ მეორე საკონტროლო თამაშსაც თამაშობს. ეს არის ტრავმა, რომელიც ფაქტობრივად მუდმივია. შეუძლებელია მისი უბრალოდ და წამში განკურნება. ძალიან ბევრი ფეხბურთელი მთელი კარიერის განმავლობაში ტკივილებით თამაშობს და აქვს სახსრების ან ჯვარედინი იოგების პრობლემა. ამ შემთხვევაში კვარაცხელიამ ამ დისკომფორტით თამაში უნდა ისწავლოს“, – ამბობს სლუცკი.
