ტოკიო 2020-ზე ქართულმა დელეგაციამ მეექვსე ოლიმპიური მედალი მოიპოვა.
ბერძნულ-რომაული სტილით ჭიდაობაში, 130 კგ წონით კატეგორიაში მოასპარეზე იაკობ ქაჯაია ფინალში უძლიერეს კუბელ მოჭიდავეს, სამგზის ოლიმპიურ ჩემპიონს მიხაი ლოპესს ნუნიესთან უშანსოდ 5:0 დამარცხდა და ვერცხლის მედალი მოიპოვა.
ფინალამდე ქართველმა მოჭიდავემ ნახევარფინალში ჩილეს სახელით მოასპარეზე კუბელი იასმანი აკოსტა ფერნანდესი დაამარცხა, უფრო ადრე კი რუს სერგეი სემიონოვს და ფინელ მატი ელიას კუოსმანენს მოუგო.
ამ დროისთვის ტოკიო 2020-ზე ქართული დელეგაციის ანგარიშზე 6 მედალია – 1 ოქრო, 4 ვერცხლი, 1 ბრინჯაო. ოლიმპიური ჩემპიონი ძიუდოისტი ლაშა ბექაური გახდა, ასევე ძიუდოისტებმა ვაჟა მარგველაშვილმა, ლაშა შავდათუაშვილმა და გურამ თუშიშვილმა კი ვერცხლის მედლები მოიპოვეს, რაც შეეხება ბრინჯაოს, ის ძალოსან ანტონ პლესნოის ერგო.
