მან სეზონის წინ 13 კილო დაიკლო და თამაში გააუმჯობესა – ახლა MVP-ის ჯილდოს მოგების კანდიდატია!

მიმდინარე სეზონის დაწყების წინ, ლიგის ერთ-ერთ ფავორიტად შერაცხული დენვერ ნაგეთსი დასავლეთ კონფერენციაში ძალიან სუსტად გამოიყურება, ყველას აინტერესებს: რა ჯანდაბა ხდება?

გუნდს საუკეთესო სეზონი არ აქვს და ეს ძირითადად სუსტი სკამით და გარი ჰარისისა და უილ ბარტონის სუსტი გამოსვლებითაა განპირობებული. მაგრამ ამ ყველაფრის მიუხედავად, გუნდის სერბ ლიდერს ნიკოლა იოკიჩს კარიერის საუკეთესო სეზონი აქვს.

გაინტერესებთ რაში მდგომარეობს ნიკოლას წარმატების საიდუმლო?

პერიმეტრიდან სროლა გააუმჯობესა

თუ გასულ სეზონში ის სამქულიანს 31.4% სტატისტიკით ესროდა, ახლა მისი პროცენტული მაჩვენებელი 41,9 გახდა. სერბმა ცენტრმა სროლის უნარი10 პროცენტით გააუმჯობესა. ჩემს მეხსიერებაში, ეს NBA-ს ბოლო სეზონებში ერთ-ერთი ყველაზე დიდი ნახტომია.

„ჯოკერს“ შორი ორქულიანების სროლა არ შეუწყვეტია, მან მისი ეფექტურობა უბრალოდ გააუმჯობესა, მის შესრულებაში ადრე გაცილებით ნაკლები „ფეიდევეი“ და  მეტი „ქეჩ ენდ შუთი“ იყო, ახლა კი ყველაფერი პირიქითაა.

გაიზარდა მისი შეტევითი არსენალი

მეტოქეებმა აღარ იციან სერბი ცენტრისგან შეტევაში რას უნდა ელოდონ, მას შეუძლია იზოლაციით თამაში და უკან გადახრილი ფარის გამოყენებით ჩაგდება, თუმცა ისეთივე წარმატებით დაიჭერს ბურთს და „მცველის ხელიდან“ ჩააგდებს.

დენვერის ცენტრის ერთ-ერთი მთავარი კოზირი სიმშვიდეა. სერბს ხშირად გადამწყვეტი სროლის შესაძლებლობა ხშირად ეძლევა, წინა სეზონებთან შედარებით მისი ეფექტურობა ამ კომპონენტშიც სტაბილურად გაიზარდა.

კიდევ უფრო ჭკვიანი სპორტსმენი გახდა

როგორ გამხდარიყო კიდევ უფრო უკეთესი ასისტენტი, ვიდრე წინა სეზონებში? ნიკოლამ გადაწყვიტა, რომ ეს შეეძლო. მან დაიწყო არარეალური მატჩების ჩატარება საკრამენტოსთან, ჰიუსტონთან და მინესოტასთან. ის გახდა პირველი ცენტრი ვილტ ჩემბერლენის შემდეგ, რომელმაც ერთ შეხვედრაში 18 შედეგიანი გადაცემა გააკეთა.

ნიკოლას დაკარგვა/ასისტების კოეფიციენტი ახლა 2.27ა, ლიგის სტანდარტების მიხედვით ეს აბსოლუტურად ფანტასტიკური შედეგია. უნდა ითქვას, რომ ამ მაჩვენებელში მას ისეთ გამთამაშებლებზე უკეთესი შედეგი აქვს, როგორებიც – ტრეი იანგი, კაილ ლოური და დ’აარონ ფოქსი არიან.

მოწინააღმდეგეებმა იოკიჩზე მეურვეობის უფრო და უფრო გამძაფრება დაიწყეს, ნიკოლას თითქმის ყოველ მეორე მატჩში +30 ქულის დაგროვება შეუძლია და თუ ისინი მასზე ორმაგ დაცვას დაიწყებენ, მაშინ მასში ამერიკული ფეხბურთის ქუორთერბექი იღვიძებს, რომელსაც, მთელ მოედანზე ორი მოწინააღმდეგის მეურვეობის პირობებშიც კი, პასების გაცემა დახუჭული თვალებითაც შეუძლია. ისეთი ძლიერი ცენტრებიც კი, როგორიცაა ჯოელ ემბიდი, იოკიჩს 1v1 თამაშში ვერ უმკლავდება.

განავითარა ათლეტიზმი

ჯერ კიდევ სეზონის დაწყებამდე, სერბულმა მედიამ დაიწყო ინფორმაციის გავრცელება იმის შესახებ, რომ იოკიჩი წინა სეზონთან შედარებით უფრო გამხდარი გამოიყურებოდა.

სეზონის დაწყების შემდეგ, შეუიარაღებელი თვალით ჩანდა, რომ სერბი ბევრს მუშაობდა საკუთარ თავზე საზღვარგარეთულ ტურნეში და რაც შეიძლება მეტ დროს ატარებდა დარბაზში. თავად „ჯოკერმა“ შეამჩნია, რომ მან ზაფხულში 13 კილოგრამი დაიკლო და თვლის, რომ მისი თამაშის წინსვლას სწორედ ეს ცვლილებები უწყობს ხელს.

მოსახერხებელი გრაფიკი

დენვერს გრაფიკში გაუმართლა, რადგან მათ რამდენიმე დღის განმავლობაში ერთდროულად ძლიერი გუნდი მეტოქედ არ ჰყოლიათ, თუ არ ჩავთვლით ფინიქსთან დაპირისპირებებს. ერთადერთი გრძელი მგზავრობა ცოტა ხნის წინ დასრულდა და მეტწილად წარმატებულიც იყო, რადგან სუსტი მეტოქეების (ოკლაჰომასა და კლივლენდთან მატჩებში) წინააღმდეგ, როცა გუნდს საფრთხე აღარ ემუქრებოდა, იოკიჩმა ძალები დაზოგა და სათადარიგოთა სკამზე საკმაო დრო გაატარა.

ძლიერი მეტოქეებთან შეხვედრის წინ, ნიკოლას ერთბაშად რამდენიმე დღიანი დასვენება გამოსდის, როგორც ეს იყო ლეიკერსთან (4 დღიანი დასვენება), ფენიქსთან (ორჯერ 3 დღის განმავლობაში) და იუტასთან (3 დღე).

MVP-ის ჯილდოს მოგების კანდიდატურაზე მსჯელობისას ყველა ჯოელ ემბიიდზე საუბრობს, მაგრამ სერბი ცენტრის ძლიერი სეზონი ავიწყდებათ. მისი პროგრესი უნიკალურია არა მხოლოდ სამქულიანი სროლების პროცენტული ცვლილებით, არამედ გარემოთიც. დენვერი საშინლად თამაშობს, გუნდი ვერ ახერხებს შეტევების ნორმალურ დასრულებას და წყვეტს თამაშს, როდესაც პარკეტზე სათადარიგოები შედიან.

ეს ფაქტორები ორი ნიჭიერი ცენტრის მდგომარეობას მნიშვნელოვნად განასხვავებს, რადგან ფილადელფია აღმოსავლეთით ნომერ პირველია და მას შეუძლია მოიგოს ის თამაშებიც კი, სადაც მოედანზე საერთოდ არ არის, რაც საპირისპირო შემთხვევაში ფაქტობრივად წარმოუდგენელია.

იოკიჩის ფიგურა ამერიკაში აღფრთოვანებას და გაკვირვებას სულაც არ იწვევს. ბევრს იგი შაკილ ო’ნილის ხუმრობის გამო ახსოვს, რომელმაც საბოლოოდ გაარკვია, რომ ნიკოლა სერბია.

„ჯოკერი“ MVP-ის საუკეთესო სამ კანდიდატში აუცილებლად უნდა შეიყვანონ, წინააღმდეგ შემთხვევაში ეს სასაცილოდ იქნება, რადგან რასელ ვესტბრუკმა ეს პრიზი რამდენიმე წლის წინ, თითქმის იმავე სიტუაციაში მიიღო.