ახალგაზრდა ქართველი კალათბურთელები, სანდრო მამუკელაშვილი და გიორგი ბეჟანიშვილი, უკვე NCAA-ს საკმაოდ გამოცდილ მოთამაშეებად ითვლებიან.
მათზე არაერთი გამოცემა საუბრობს. ამჯერად Yardbarker-მა NCAA-ს იმ 25 მოთამაშის სია გამოაქვეყნა, რომლებსახ მომავალ სეზონში ფანებმა და სპეციალისტებმა ყურადღება უნდა მიაქციონ. სასიამოვნოა, რომ მათ შორის ხსენებული ორი მოთამაშეც მოხვდა, აი როგორ აღწერენ მათ:
გიორგი ბეჟანიშვილი
„დებიუტანტი გიორგი ბეჟანიშვილი, ორი სეზონის წინ საშუალოდ 12.5 ქულას აგროვებდა. ილინოისში კოფი კოკბერნის დამატების შემდეგ, ბეჟანიშვილმა 31 მატჩიდან 24 სასტარტოში დაიწყო, ხოლო ახალ სეზონში მნიშვნელოვანი სათადარიგოს როლი აქვს. ის, რომ სასტარტოში არ არის, ბეჟანიშვილის მნიშვნელობას გუნდისთვის არ აკნინებს. ახლახან რეიტინგით მეორე კლუბ ბეილორთან მან ილინოისს 15 ქულა მოუტანა”.
სანდრო მამუკელაშვილი
„მას ყველა იცნობს, როგორც „მამუ“. 211 სმ. სიმაღლის კალათბურთელმა NBA-მდე კიდევ ერთი წლით მოცდა გადაწყვიტა. ის კონფერენციის ერთ-ერთი საუკეთესო მოთამაშეა. გასულ სეზონში მის თამაშს მაილს პაუელი ჩრდილავდა, რომელიც სეტონ ჰოლის ლიდერი იყო. მაილსი NBA-ში წავიდა, სანდრო კი ლიდერის თვისებებს ამტკიცებს. ის საშუალოდ 21 ქულას და თითქმის 8 მოხსნას აკეთებს”.
იმედია ახალგაზრდა ქართველები გაცემულ ავანსს გაამართლებენ და წლევანდელი სეზონი მათთვის წარმატებული გამოდგება, ორივე მათგანს ამის წინაპირობა ნამდვილად აქვთ.
რაც შეეხება მესამე ქართველ კალათბურთელს, ვისაც NCAA-ში უნდა ეთამაშა, ეს რატი ანდრონიკაშვილია, თუმცა მან სეზონის დაწყების წინ ჯვარედინი იოგები დაიზიანა და სეზონი გაუცდება.
