ქართველი მოფარიკავე სანდრო ბაზაძე, რომელსაც ტოკიოს ოლიმპიადაზე მედლის მოპოვებამდე ძალიან ცოტა დააკლდა, მომხდარ ფაქტს კიდევ ერთხელ გამოეხმაურა და აღნიშნა, რომ მომავალში კიდევ უფრო მოტივირებული იბრძოლებს:
“მე დავბრუნდები თქვე უნამუსოებო. პირველ რიგში უღრმესი მადლობა თითოეულ ქართველს ესეთი მხარდაჭერისთვის!!! თქვენ მე გამაძლიერეთ და მომეცით ძალა, რომ ყურები არ ჩამომეყარა და ამას არასდროს არ ვიზამ!!! მე ვარ ქართველი მებრძოლი და ჩვენ ბრძოლაში ვიგებთ. სულ უსამართლობა და დაბრკოლებები მქონდა კარიერაში და მე თამამად ვიტყვი, რომ ეს ოლიმპიური თამაშები მე მეკუთვნოდა და ეს ყველამ კარგად იცის და დაინახა. მიყვარხარ საქართველო, მიყვარხართ ქართველებო და მადლობა დიდი.
შეგახსენებთ, რომ სანდრო ბაზაძეს და ლეგენდარულ უნგრელ არონ სილაგის შეხვედრას ეგვიპტელი არბიტრი სჯიდა, რომელმაც რამდენიმე ეპიზოდში ძალიან საეჭვო გადაწყვეტილება მიიღო. არაფერი იყო საეჭვო მაშინ, როცა ანგარიში 13:13 გახლდათ, მაგრამ ყველასთვის მოულოდნელად სანდროს მოპოვებული ქულა სილაგის მიანიჭეს, რამაც ქართველი სპორტსმენი გატეხა.
მან უნგრელთან 13:15 წააგო, ბრინჯაოს მედლისთვის კი სამხრეთკორეელ კიმ ჟუნგვანთან 11:15 დამარცხდა და მედლის გარეშე დარჩა.
