ავტორიტეტული ესპანური გამოცემა Marca-ს ინფორმაცით, მადრიდის „რეალი“ ვეტერან 35 წლის ხორვატ ნახევარმცველ ლუკა მოდრიჩთან, კონტრაქტს გაახანგრძლივებს.
კლუბმა და ფეხბურთელმა შეთანხმებას მიაღწიეს და დარჩენილი მხოლოდ ფორმალობაა.
ოქროს ბურთის მფლობელი, „სამეფო გუნდში“ კიდევ ერთი წლით 2022 წლის 30 ივნისამდე დარჩება და როგორც წყარო ამბობს, ამით ორივე მხარე ძალიან გახარებულია.
.@lukamodric10 renovará con el Real Madrid un año más, hasta el 30 de junio de 2022 https://t.co/i7i2R9AJw5 Informan @jfelixdiaz y @hugocerezo
— MARCA (@marca) December 26, 2020
ლუკა „რეალში“ ლონდონური „ტოტენჰემიდან“, 2012 წელს გადავიდა და გუნდის ერთ-ერთი საკვანძო ფეხბურთელი გახდა. მადრიდულ გუნდში მან 4 ჩემპიონთა ლიგა, 2 ლა ლიგა, კოპა დელ რეი და სხვა არაერთი ტიტული მოიგო.
ლუკა ხორვატული ფეხბურთის ერთ-ერთი საუკეთესო წარმომადგენელია (თუ საუკეთესო არა), მან ეროვნულ ნაკრებთან ერთად მსოფლიოს ჩემპიონატის ფინალშიც ითამაშა, სადახ საფრანგეთთან დამარცხდა.
