ნაციონალურ საკალათბურთო ასოციაციაში, გოგა ბითაძეს „ინდიანა პეისერსში“ თამაშის შანსი 7-მატჩიანი პაუზის შემდეგ მიეცა, თუმცა, ქართველი კალათბურთელი შემადგენლობაში სკანდალურად დაბრუნდა.
„საკრამენტოსთან“ მატჩში გოგა და „ინდიანას“ მთავარი მწვრთნელის ასისტენტი, გრეგ ფოსტერი ერთმანეთს დაუპირისპირდნენ. კონფლიქტის ოფიციალური მიზეზი უცნობია, თუმცა ამერიკულ მედიაში ამბობენ, რომ ქართველმა კალათბურთელმა ფოსტერს უხამსი სიტყვებით მიმართა, კერძოდ: sit the f**k down!
ეს სიტყვები ერთ-ერთ ეპიზოდს მოჰყვა. გრეგ ფოსტერი დაცვაში გოგა ბითაძის თამაშით უკმაყოფილო იყო და ქართველ ცენტრს საყვედური მისცა, საპასუხო შეტევაში კი გოგამ სამქულიანი ჩააგდო და სწორედ მან მწვრთნელის უკმაყოფილება ამ ფორმით გამოხატა.
შედეგად, თამაში რამდენიმე წუთის განმავლობაში შეჩერდა, რა დროსაც ფოსტერი გოგასკენ გაიწია. საბოლოოდ, მათ შორის ინდიანას კალათბურთელები ჩადგნენ და სიტუაციაც მალევე განიმუხტა.
რაც შეეხება უშუალოდ შეხვედრას, ინდიანამ მატჩი 104:93 წააგო. გოგა ბითაძემ კი 21 წუთი ითამაშა და ამ დროის განმავლობაში 5 ქულა, 6 მოხსნა და 2 შედეგიანი გადაცემა მოაგროვა.
